Fréttir
06.06.11
Heyrnartækni styrkir KRAFT á 10 ára starfsafmæli sínu
Heyrnartækni...

Í tilefni af 10 ára starfsafmæli Heyrnartækni höfum við ákveðið að leggja góðu málefni lið og láta ákveðna upphæð af hverju seldu heyrnartæki fram til lok ágúst renna sem styrk til Krafts - stuðningsfélags fyrir ungt fólk sem greinst hefur með krabbamein og aðstandendur þeirra. Með þessum styrk viljum við leggja okkar af mörkum til samfélagsins og hjálpa KRAFTI að veita ungu fólki sem gengur í gegnum erfiða lífsreynslu, stuðning og hjálp.

Síðastliðið ár hefur KRAFTUR lagt mikla áherslu á að styðja við stuðningsnet félagsins og hefur verið ákveðið að fjárhagsstuðningur Heyrnartækni muni renna þangað. Stuðningsnetið býður greindum og aðstandendum að komast í samband við einhvern sem gengið hefur í gegnum svipaða reynslu. Það er óhætt að segja að það er veruleg þörf fyrir stuðning en fulltrúar netsins hafa flestir verið fengnir til að veita stuðning og hafa til þess farið á sérsniðin námskeið hjá Gyðu Eyjólfsdóttur, sálfræðingi KRAFTS. Reynsla stuðningsfulltrúa er fjölbreytt og í hópnum má finna einstaklinga, foreldra sem greinst hafa með krabbamein, foreldra sem fylgt hafa fullorðnu barni sínu í gegnum meðferð og aðstandendur sem misst hafa ástvini og makar þess greinda. Stuðningsfulltrúar eru allir bundnir trúnaði.

Heimasíða KRAFTS
Styrktarreikningur KRAFTS: 327 26 112233 kt. 571199-3009

Heyrnartækni ehf.
Glæsibæ, Álfheimum 74, 104 Reykjavík
Sími: 568 6880