Einkenni og áhrif heyrnarskerðingar

Margir hlutir í lífinu geta breyst og þar á meðal heyrnin. Þegar heyrn breytist gerist það í flestum tilfellum á nokkuð löngum tíma svo erfitt er að taka eftir því. Því er mikilvægt að þekkja einkennin. Eftirfarandi eru nokkur dæmi um einkenni heyrnarskerðingar sem viðkomandi getur orðið var við:

  • Að finnast fólk muldra, tala óskýrt eða lægra en það er vant að gera 
  • Að horfa meira á varir/andlit viðmælenda til að fylgja eftir samtali 
  • Að eiga í erfiðleikum með að heyra í fjölmenni eða klið 
  • Þurfa að hækka hljóðstyrk í sjónvarpi eða útvarpi umfram það sem öðrum fjöskyldumeðlimum finnst eðlilegt/þægilegt 
  • Finnast erfitt að heyra í leikhúsi, kirkju eða öðrum samkomum

Taka stutt heyrnarpróf

Ómeðhöndluð heyrnarskerðing getur haft ýmis áhrif á líf þitt og samskipti. Dæmi um vandamál sem geta komið upp vegna heyrnarskerðingar eru: einbeitingaskortur, minnkuð félagsvirkni, samskiptaerfiðleikar, pirringur, kvíði og þreyta.

Rannsóknir sýna að rétt meðhöndlun á heyrnarskerðingu hefur jákvæð áhrif á líkamlega og andlega vellíðan. Það er enginn vafi á því að þegar þú ferð að hugsa um heyrnina þá mun líf þitt verða mun ánægjulegra.

Heyrnarskerðing hefur ekki bara áhrif á þig heldur einnig á fólkið sem umgengst þig. Hvort sem um er að ræða þýðingarmiklar umræður eða spjall á léttum nótum þá verða skoðanaskiptin hægari en áður vegna hægari viðbragða og verða fljótt mjög þreytandi.

Hugsum okkur að bestu vinir þínir séu í kvöldmat hjá þér. Þú reynir að hlusta á hvað þeir eru að segja en heyrir bara óskýrt tal. Þegar sagður er brandari reynir þú að ná aðalatriðinu - þú hlærð þegar vinir þínir hlægja en heyrir ekki það sem skipti máli. Á endanum dregur þú þig í hlé.

Í stað þess að bíða eftir því að fólkið í kringum þig missi alla þolinmæði og ýti þér af stað til að taka næsta skerf, hvernig væri að taka næsta skerf sjálf/-ur?

Panta tíma í heyrnarmælingu

Heyrnartækni ehf.
Glæsibæ, Álfheimum 74, 104 Reykjavík
Sími: 568 6880