Heyrnartækni
Fagleg og persónuleg þjónusta í aldarfjórðung
Frá 2001 hefur starfsfólk Heyrnartækni lagt ríka áherslu á að veita viðskiptavinum sínum bestu mögulegu þjónustu og ráðgjöf við val og kaup á heyrnartækjum.
Hjá Heyrnartækni starfa löggiltir heyrnarfræðingar, hjúkrunarfræðingur og starfsfólk sem hefur áratuga reynslu af greiningu og meðhöndlun heyrnarskerðingar.
Heyrnartækni í 25 ár – frá frumkvöðlastarfi til framtíðar
Heyrnartækni hóf starfsemi í júní 2001 sem fyrsta einkarekna heyrnartækjastöðin á Íslandi. Aðdragandinn á rætur að rekja til persónulegrar reynslu Víðis Páls, föður Björns Víðissonar, annars
stofnanda fyrirtækisins.
Víðir hafði glímt við heyrnarskerðingu eftir langvarandi eyrnasýkingar. Þegar hann þurfti heyrnartæki var biðin allt að 18 mánuðir. Hann leitaði því til Oticon í Danmörku og fékk vönduð heyrnartæki og góða þjónustu á aðeins tveimur dögum.
Reynslan vakti spurningu: Hvers vegna ætti ekki að vera hægt að veita sambærilega þjónustu á Íslandi? Þannig varð hugmyndin að Heyrnartækni til.
Við erum flutt í Síðumúla 24
Við höfum kvatt Glæsibæ og flutt í glæsilegt nýtt, sérhannað húsnæði að Síðumúla 24 í Reykjavík, með fyrsta flokks aðstöðu fyrir heyrnarþjónustu.
Aðkoma og bílastæði
Við mælum með að ekið sé upp fyrir húsið og lagt á bílastæðinu við bakhlið þess. Þar er gengið beint inn til okkar um sérinngang, án þess að fara þurfi um stiga eða lyftu.
Einnig er hægt að leggja fyrir framan húsið og ganga inn um aðalinngang Síðumúla 24. Þaðan er farið upp á 2. hæð með lyftu eða stiga.
Við hlökkum til að taka á móti þér á nýja staðnum!
Zeal →
Zeal eru sannkölluð óséð undur - pínulítil en með alla fullkomnustu tæknina.
Reveal →
Háþróuð heyrnartæki með
tvöföldu gervigreindarkerf
Zircon →
Góð heyrnartæki í ódýrasta verðflokknum. Hefðbundin rafhlaða.
Own →
Sérsmíðuð heyrnartæki með gervi-greindartækni og 360° hljóðúrvinnslu.
Zeal heyrnartæki frá Oticon - óséð undur í eyra!
Zeal frá Oticon eru nýr flokkur inn í eyra tækja sem marka tímamót í þróun heyrnartækja. Í fyrsta sinn hefur tekist að sameina öfluga gervigreindarstýrða hljóðvinnslu og víðtæka tengimöguleika í ofurnettu, endurhlaðanlegu heyrnartæki.
Ólíkt hefðbundnum inn í eyra heyrnartækjum sem krefjast mótatöku, sérsmíði og tímafrekra ferla, þá er hægt að máta og stilla Zeal samdægurs.
Einstaklingsmiðuð ráðgjöf og heyrnartæki til prufu
Við leggjum okkur fram við að veita faglega og persónulega ráðgjöf út frá heyrnarsögu og niðurstöðu mælinga hjá okkur.
Við bjóðum þér að fá heyrnartæki til prufu í vikutíma en það getur t.d. hentar þeim sem eru að fá heyrnartæki í fyrsta sinn.
Heyrnarþjónusta á landsbyggðinni
Heyrnarfræðingur frá okkur veitir reglulega þjónustu á fjölda staða á landsbyggðinni í góðu samstarfi við heilsugæslustöðvar eða sjúkrahús á hverjum stað.
Smelltu á hlekkinn til að sjá upplýsingar um staði sem við þjónustum á landsbyggðinni.
